Naria saito kabilasa ledo natau norabu, ia naave ri binangga anu naoge mpuu uvena.

Nanoto rarana ia nasampe ri bavo batamo ri tinggi ntasi, pade ia hau ri kabatana novia sou anu rapekanaluuna. Apa ri sia rahaitu nakavao mpuu dako ringata bo ledo nadea kayu bo ledoria kavoko natuvu ri sia.

nanggoviapa najadimo souna. nabongipa Kabilasa haitu naaramo taina, ledoria nuapa rakande, anu naboli nte ia aga colo. Nipanakinamo apuna bongi haitu bo nombatunu bau anu nikavana bongi haitu.

kabobayana, da ranja nggamonjo, napapumo sou dako ri tava ngau anu nipopeanggana, nareme mpuu vayana. Ledo naeo naopomo sou-sou nipoviana haitu.

nabuku mpuu rara nu kabilasa haitu nte kajadia anu najadi nte ia, sampe ia nosambaya notumangi, niulina " Pue, nakuya ledoria asi mataMiu nompeinta yaku, aga pepandasa njuu nanggava yaku, ledoria niaMiu anu nabelo ka yaku"

naeo mpadondo, ia nembangu nalentesi rarana bo eva domo nipakulena ia meangga. 

sampesanika nipeintanamo kapala anu manggaparai bela sou-souna anu napapu, ledo nasae nakavamo kapala haitu ritinggi ntasi bo nanaumo tona hau nombatotoaka ia. nipektananamo tona gahaitu, "hau riumba komiu, mamala yaku mantuntuni komiu, yaku nikeni nu uve sampe ri sii, domo nisaniku dala manjili."

nesana tona gahaitu " kami tumai mombatulungi iko, apa nipeinta kami ribobaya iko novia apu anu nalega mpuu nerapi petulungi."

naliu haitu, nokumaamo ia sabana Kapapu sou anu nipaturuna, anu nipekanaluuna haitu nanggeni kabelo ka ia, nompakasalama ia dako ri kaara bo namala manjili hau ri banuana.

Dako ri tesa hitu, naria rongaya anu nitevai ka kita. haitumo dako ri Buku Amsal 3:5 (Sarumakamo TUPU nte mpuu-mpuu raramu bo nemo mombasarumaka pompahamu mboto)  

•  Kana batena manjarumaka Tupu tempo kita nasusa, nee manjarumaka pompaha mboto. nipekirita Tupu nompalamba kita tempo kita nasusa, tapi kana ra tora, Ia madota kita kana hau merapi nte TUPU ane masusa.

• Kita kana mosabara mompopea nuapa nia nTupu anu nipodotaNa ka kita. Biasana kita nongau ane nanggava kasusa, domo nipekirikata niu nTupu nabelo ka kita, evamo anu tesa nu kabilasa pangane ledo aga kasana bo anu mabelo nipake nTupu mombatulungi kita dako ri kasusa. ane ledo mapapu sou-sou nipekanaluu kabilasa pangane, natantumo ia mamate maara bo aga manjarumaka sou kodi nipekanaluuna.

  Tapi nia nTupu anu ledoria saitoa manusia namala nangisanina, Ia nompakagero dunia anu nisarumakata banuata. nipakagerona ala dotaNa aga Ia rasarumaka, bo hamai nte Ia Banua anu ledo magero.